تذكار عيشي على التذكار

تذكار عيشي على التذكار
وإن كان يحصل لك تناسيها
بفراق تالي إنتهت الأخبار
عِشرة حياتي اليوم ماضيها

لا تحسبي سرك من الأسرار
اللي على الجنسين تفشيها
منك الخطايا إنتهت بأعذار
وعيونك النكران معميها

قلبك من أحداث الفشل محتار
تستخسري خطوة مشيتيها
ما يهتني من هو غريب الدار
مثلك غريبة وسط أهاليها

وأنا اللي فيني من الجروح كثار
لا أنتي ولا غيرك يداويها
الله حسيبك كيف قلبك صار
باع المحبة وأشترى فيها

صرنا على هذي السوايا كبار
قبلك عذارى ما مشوا فيها
هل هي عطش هل هي تسالي صغار
هذي السوايا من يسويها

كلمات: خالد عبدالرحمن
ألحان: خالد عبدالرحمن